Пилешко со карфиол

Овој рецешт, доаѓа од хроно исхраната, се воодушевив кога го видов негде, и не згрешив што го пробав. Не се сеќавам дали имаше пиперка, но јас без пиперка не можам 🙂

Го бев објавила минатата година на страницата, но немав убави фотки, само две од подготовката, па си реков да направам.
Ама и ја разработував идеата 🙂 , позбогатено бев правела, можете да видите овде.
Во друга прилика, третата варијанта, сега базичната, и дојде редот.
Овој пат некои парчиња карфиоли се поголемки, но не смета, иако во оргиналниот рецепт се како кус кус издробени.

Состојки

500 гр пилешки гради
неколку цветови карфиол
црвена пиперка
лук
сол, бел бибер, буковец, магданос
маслиново масло

Сос

сенф
мајонез
павлака

Постапка

Месото се пржи на коцки.
Карфиолот се дроби колку што може поситно, како кус кус.
Се пржи сецкана, црвена пиперка, се додава лук, па карфиолот и се пржи да остане крцкав. Значи не се вари, не се додава вода, туку внимателно се пржи.
Пред крај се додава испрженото месо и зачините, се пропржува сé заедно.
Се меша малку сенф со мајонез и павлака, па се прелива.

Преубаво за летно време, вистинско освежување!