Розе пастрмката, чадена, е таа ми е најубава, езерскиот ген ми работи, што да чинам.
Ова е свежа, не е сува димена.
Рецептот си е за предјадење, канапе рецепт всушност, но што ако ве фати криза навечер? Кој вели дека е en entrée? Mais comme vous voulez :-), а за среќа овде не е скапа!
Класичен, едноставен рецепт, за две минути имате неверојатен гриз! Неверојатен вкус!
А моите лични Ивини момички ги правам за да не јадам 🙂 Така занесена, занесена, каснувам само малку. А и жал да ти е да ги растуриш…Ги правам често, како заштитен знак станаа. Предизвик ми се да ги направам баш од сите состојки.
Состојки
- канапе леб или обичен леб за сендвичи, тост леб
- розе свежа димена пастрмка
- мајонез со лимон
- малку магданос, малку свежо нане и бел бибер
Постапка
- Подолго пишувам отколку што се прави. Ставете мајонез во длабоко чинивче, додадете ги зачините, направете фил.
- Премачкајте парчиња леб по желба, може триаголници или мали канапе лепчиња. Искрено, на тост леб ми е највкусно, грев, не грев…
- Одозгора се става лист од рибата, тенко, тенко, ама преубаво.
Постапка за Ивините момички (рецепт со слики)
- Направете круг со некој калап за колачи во тост лебот.
- Остаткот од лепчето исечете го на мали парченца и додадете ги во садот со мајонезот и зачините, дотерајте си на вкус, а дотерајте ги и дозите, зависи колку лепчиња ќе правите.
- Во калапче кое е директно на чинија за сервирање, ставете го кругот леб на дното, па врз него мајонезот, па пастрмка, пак мајонез.
- Извадете го калапот, овој пат без многу притискање, да не се притисне многу рибата, па ставете лист пастрмка најодозгора.
Ете толку од рецептот, а ла минут, ама невиден вкус и личнотија!
П.С А јас си останав со едно мало залче само 🙁
Facebook Comments
Comments + Images