☙ ❤︎ KOGA DAVAME HRANA, DAVAME LJUBOV I OBRATNO! ♡ BLOGOT E POSVETEN NA MOJATA IVA ❤︎ ❧
И свежа или замрзната, секогаш ја правам со нешто плус, ете не сум генерација на брокулата.
За сите како мене, го препорачувам овој начин, вкусно е многу, а сепак се сочувуваат важните состојките.
Но морам да нагласам дека најздраво е свежа, обарена кратко и убаво е да се јаде во разни комбинации.
Модриот патлиџан или црн патлиџан, па и плав, син, многу имиња има кај нас.
Ама и многу се готви. Старински јадења, нови јадења… Сто варијанти! И преку сто!
За празници обавезно правам некој ролат, реден или ролован.
Кај нас трпезата секогаш е разноврсна и во обични денови, многу табиетлии имаме во семејството :), некој не јаде ова, друг она и така за секој понешто, а таа традиција ја продолжив и јас.
Но мислам дека таква е и струмичката трпеза, се вади разноврсна храна, сé се става на маса.
Ви ветив нешто уникатно со јагнешко, но не е ова. А сепак и ова јадење ми е во оние перфектни вкусови, за мене многу прифатливи, заради дојранско-струмичката кујна на која сум навикната.
Една варијанта за котлетите кои се преубави на скара, но може и вака, да не е само суво мевце…
Имаме толку многу рецепти за ориз, а и старите ги подновуваме…
Мене ми е омилено јадење, посебно нашиот ориз.
Во Струмица, оризот подготвен на овој начин го нарекуваме пиљаф. Всушност тоа значи ориз -пилав или пилаф на турски, но овој збор го користиме само за рецептот ориз и фиде во солена варијанта.
Вчера си поиграв малку и направив модерна варијанта, всушност уште едни Ивини момички.
Други варијанти на Ивини момички може да видите овде и овде.
Овие декорации навистина се прават брзо, само ви треба еден цилиндер, ништо друго.
Можете да направите од мала конзерва, отворете ја од горе и одоздола и може да ви користи.
Цилиндерот се става во чинивче и се полни, еден ред ориз, па магданос, па ориз со фиде, пак ориз.
Кога е преполно, се притиска оризот, а со другата рака цилиндерот се подига нагоре. На чинивчето останува оваа убавина 🙂
Сега да се вратиме на пиљафот, најомилениот ориз на Ива, децата многу го сакаат, зашто крцка…
Класичниот рецепт е варен ориз полиен со врел зејтин што има преубав вкус. Јас го правам малку поинаку, а се добива истиот ефект…
Знаете, со кочанскиот ориз е вистинакиот вкус, со другите видови, вкусот е гол…
И овој рецепт е многу баран, па еве да го поставам.
Интересно, вкусно, декоративно. А толку едноставно!
Потребни ви се подебелки кори, зашто јас со такви правев, словенски, тегнати.
Мислам дека има кај нас српски кори кои се подебелки, за гибаница, е такви треба за да не изгорат.
За овој рецепт потребни се големи шампињони како би можеле да се полнат. Убаво би дошле за празникот, покрај главното јадење.
Еден од начините на кои го правам компирот, печен, а како пржен. Со лук и пиперки, добива преубав вкус, редовно ги ставам во тавата со компирот.
Во странство нема урда, можеби во некои балкански продавници, но не е како нашата. Немам некое знаење за урдата, но знам дека има два вида.
И така, благодарение на Интернетот, и затоа што овде нема, после многу километри потрага, ќе си правиш домче. Имам 3 рецепти за домашна урда.
Continue reading “Домашна урда”
Карфиолот почнав да го засакувам, браво за мене! Го користам многу, во чорби, а и на разни начини подготвен…
Оваа шарена комбинација беше гарнир на кременадли. Ја препорачувам и како засебна посна, со посен кашкавал.
