Една од многуте варијанти на варен грав, посен.
Имам неколку начини за подготовка на гравот, а традиционалниот струмички, со црвен пипер, може да го видите овде.
Категорија: Posna – vegetarijanska hrana
Посна јанија со компир и бамји
Кога е сезона на бамји, јанииита ја правиме со нив, покрај компирот. Но и кога не им е сезона, ги имаме замрзнати, па ги користиме. Јанијата може да биде и со месо, со телешко, со јагнешко, но и со свинско, сите имаме различни вкусови и правиме да ни е слатко.
Макало од компир, суви пиперки, праз
Можеби ова јадење е повеќе за во зима, но мене ми е убаво секогаш. Вкусно, посно јадење кое може да замени оброк. Има многу варијанти, многу рецепти, а и јас секогаш различно го правам…
Кој не сака посно, со сиренце е преубаво!
Тава ориз, компир и суви пиперки
Не е многу здраво можеби, но комбинацијата ориз и компир многу ја сакаме зашто вкусот е преубав. Подготвувам задушен ориз и печен компир, може и мевце, но еве и вака, иако поретко, а зависи од времето што го имам и зафатеноста на шпоретот.
За вкусно, гарантирам 🙂
Кокосовки
Не ми се верува дека цела година не сум ги постирала овие суви колачиња кои нема кој не ги сака. Брзи, вкусни, издашни, погодни за замрзнување.
Во Струмица, откако кокосот стана актуелен, редовно се правеа, и за арно, и за лошо, а бидејќи се посни уште повеќе си го најдоа своето место.
Макало со компир и суви пиперки на мој начин
Макалото е потипично за западниот дел на Македонија, каде сувите пиперки се неизбежен дел од кујната. Рецептите се многубројни, за разлика од југоисточниот дел каде има пак и сосема поинакви рецепти. Самото поднебје, односнo услови и клима го одредувале тој начин на обработка на пиперките.
Продолжи со читање “Макало со компир и суви пиперки на мој начин”
Јанија, посна
Не дека јанија со месо не е убава, преубава е, но кога би бирала, секогаш посна би одбрала.
Кај нас јаниита се прави со компир, пиперка, морков и домат. Побогата е ако има и бамји кога им е сезоната. Знам дека секое семејство си врти по свое, грешки нема, без варијанти не се може, како сите би биле среќни 🙂
Тавче грав со зелка
Кога ќе ви остане грав, можете да направите вакво тавче. Брзо се прави, многу вкусно е, а и здраво. Оваа тавче доаѓа од селска кујна, на која и нема замена, на која ништо не може да и биде конкуренција. Најубавиот леб, најубавите јадења под вршник, тави, манџи, зелници, по мој вкус се, и со ништо споредливи.
Начинот на подготовката, спороста на готвењето, природните состојки, досетливоста на домаќините, комбинациите на храната, уникатните вкусови на пржено месо, колбаси… сето тоа ја прави уникатна.
Тиквици со кашкавал
Едноставни, брзи и секогаш на трпезата, во разни комбинации…
Тиквици со бунгур
Тиквици на сто начини 🙂
Разноврсноста ја краси нашата трпеза, а и нашето здравје.
Овој пат подварени и полнети со бунгур, помешан со зеленчук.