☙ ❤︎ KOGA DAVAME HRANA, DAVAME LJUBOV I OBRATNO! ♡ BLOGOT E POSVETEN NA MOJATA IVA ❤︎ ❧
Сум кажала дека зеленчукот како грашок, боранија, грав и слично, ги сакам без месо. Посни ми се поубави, вкусот на зеленчукот е сочуван. Е со боранија или грашок, може кисело млеко, тоа ептен ми оди.
Кој ќе му најде крајот на вкусовите?! 🙂 На комбинациите…
Веќе имам објавено задушен ориз, се подготвува на рингла, значи не е класична тава ориз. Рецептот може да го видите овде.
А сега ориз со тиквички, на мој начин 🙂 Превкусно летно јадење!
За новитетите, односно за она што го правам прв пат, ќе речам искрено, ме прати почетничка среќа што велат, помешана со натежнатото искуство.
Има само едно слатко од кое не бев задоволна, а тоа е слаткото од сливи, та дури правев од жолти сливи, да компензирам 🙂
На некои рецепти, ептен им се радувам и многу ми е мило што ви се допаѓаат. Пинџурите спаѓаат во тие рецепти, убав наш пинџур на сто начини, сите поинаку го правиме, а сепак е истиот, надвременски.
Рецептот за слаткото ми е преубав, но сливите овде кога ќе се излупат, се зеленикави, оние како за слатко. Всушност зелени се тие потврдите, или на сила зреани. А ако се зрели, тогаш се многу меки и не може да се сочуваат цели при варењето.
Продолжи со читање “Слатко од модри сливи 2, со печени бадеми”
Спанаќот го имаме овде преку цела година, речиси, но ми се случило да нема неколку денови, баш кога најмногу ми треба 🙂
И ова јадење не сум го правела порано, но ете затоа го имаме интернетот.
Дали така сите го прават, не знам, но најчесто знам да го направам кога ќе ми остане грав. Тогаш е ептен брзо, се загрева тавчето со грав во рерна, но треба да е малку воденесто. Кога ќе почне да врие, се додава спанаќот, исецкан, и се допекува. Продолжи со читање “Тавче грав со спанаќ”
Ѓувечот во многу варијанти, посен, со месо вакво, месо такво, печен, пржен…
Овој пат печен, и без многу губење време.
Секогаш кога сакам да се утешам што не се прво пржени состојките, си велам, ами на фурна како било?
Еве еден прекрасен летен оброк на рингла, со сите зеленчуци.
Сите витамини се овде, сите вкусови сочувани, за мерак.
Тиквици, пиперки, карфиол, лук, одлична комбинација за салата. Не знам дали некој во светот рататујот го смета за салата, но мене ми е баш тоа, кога е вака подготвен…
Во семејството на маж ми, рататуј се правел со мелено месо, модар патлиџан, тиквица, домати и пиперки, кромид и лук, на коцки, варено на рингла.Така си сакале, како јанија…
