Бомбици од ориз имам одамна објавено, но како по обичај, на блогот, прво од поновите почнувам. И солени и благи, мене ми се превкусни. Ги правев со зеленчук, со слатко од дуњи чинам беше, убавини, ги имам на страницата “Со љубов, за вас”.
Ќе се потрудам да ги поставам овде и нив, брзо.
Овие се солени, со мелено месо.
Состојки
- пржено мелено, мешано месо
- варен ориз
- неколку лажици крем сирење
- сол
- црн ким
Постапка
- Месото испржете го онака како сакате, јас обично додавам ситно сецкан кромид, пиперка и морков, магданос, може лук, сушен зачин, оригано, ќебап зачин, билки од Прованса…
- Користев басмати ориз зашто убаво ми мириса, а и бомбиците да бидат чупкави, се вари со сол, се цеди. Еден дел се двои за посипување.
- Другиот дел се пасира, се меша со крем сирење.
- Се земаат мали парчиња, се расплеснуваат, во средина се става мевце и се прават бомбици.
- Се налепува ориз кој не е пасиран и се наросува црн ким.
Преубави за око, а многу вкусни. Мали, за мезе душа дале 🙂
Пријатно!
Летната даска моќе да ја видите овде.
Facebook Comments
Comments + Images