Сега најобичната мусака со најстари фотки… Во иднина ќе ставам нови фотографии, но не сакам да си ги отфрлам првите фотографии, важни ми се и тие 🙂
Најобичната, класична мусака е со компири и мелено месо.
Компирите може да ги потпечете претходно во рерна. А баба ми и мајка ми едно време ги пржеа, но ете денес избегаваме.
Состојки
- 500 гр мелено месо
- неколку големи компири
- 1 главица кромид
- 1 морков
- 1 пиперка
- 1 -2 домати
- 2-3 чешниња лук
- сол, сушен зачин, црвен пипер, црн бибер, магданос, оригано
- зејтин
Постапка
- Меленото месо се пржи, во друго тавче се пржи кромид, морков и пиперка, ситно сецкани.
- Се мешаат и се додаваат доматите на ситно (може и малку концентрат). Се додава и лукчето на ленти.
- На крај се додаваат зачините.
- Се реди компири, па месо, колку сакате редови…
- Завршува со компир, се става зејтин, а вода малку, па ако треба ќе додадете.
- Се пече на 200 околу еден час.
Сум немала сува пиперка и сум импровизирала…
Мусаката се прави многу едноставно, јас ја правев и лута порано, но сега не можам веќе да јадам луто. Убаво е да налутнува малку.
Ќе ја испечете по желба, но не треба да се исуши, треба да остане сочна.
Ориганото е од поново време, мајка ми користи мирудии-сушено нане.
Пријатно!
П.С.
Пред некое време решив да си ги обновам земјаните садови. Со сет мерак изнакупував неколку во Скопје…
Ќе следува…
Facebook Comments
Comments + Images