Тиквици со бунгур

Тиквици на сто начини 🙂
Разноврсноста ја краси нашата трпеза, а и нашето здравје.
Овој пат подварени и полнети со бунгур, помешан со зеленчук.

Состојки

• тиквички
• по потреба бунгур
• пиперки
• морков
• сол, бел бибер
• зејтин
• магданос

Постапка

1. Тиквиците се сечат како чашки, се длабат. Тоа што е вишок од средувањето на чашките, се сече на коцки.
2. Се зоврива солена вода и тиквичките чашки се варат, но не треба да се преварат.
3. Се вари бунгур во посолена вода.
4. Пиперките и морковот се сецкаат и заедно со издлабеното и тиквичките коцки, се пржат.
5. Се додава сварениот бунгур и зачини.
6. Тиквичките се полнат и се сервираат.

Прекрасно свежо мезе, оброк летен, предјадење, како сакате.

Пријатно!