За празници обавезно правам некој ролат, реден или ролован.
Кај нас трпезата секогаш е разноврсна и во обични денови, многу табиетлии имаме во семејството :), некој не јаде ова, друг она и така за секој понешто, а таа традиција ја продолжив и јас.
Но мислам дека таква е и струмичката трпеза, се вади разноврсна храна, сé се става на маса.
За празници сакам да направам толку многу разноврсни работи, па заглавувам со времето, секако, иако сум добро организирана.
И тогаш спас ми е обландата!
Филови во фрижидерот ќе се најдат, само треба да ги дотераме 🙂
Обично вадам сé што имам за такво нешто, добивам моментална инспирација од тоа што го имам, го поделувам во чинивчиња, по боја, по вкус и ја премачкувам обландата, ала минут работа!
Млади домаќинки, ова е специјално за вас <3
Состојки
- обланда
- бел фил-павлака, пиперка, младо кромитче, шунка
- портокалов фил-ајвар, павлака
- зелен фил-павлака, магданос, перки целер, листови мента, сирење, сол
Постапка
- Обландата ја пресеков на пола, само половината ја искористив за овој реден ролат.
- Подготвив 3 чинивчиња филови. Еден фил ајвар со павлака, друг павлака со пиперка и млад кромид и шунка, и за третииот изблендирав магданос и зелени перки целер, мента листови со сол, додадов павлака и сирење, немав ни брокула, ни спанаќ, можете и нив да ги искористите за зелен фил.
- Најдобро е да се стават две обланди најдолу, зашто подобро ќе држат.
- И потоа премачкувате како сакате.
- За подобро да се сече, се смрзнува малку, се сече и се сервира.
Округлата обланда ја направив со притискање на калапот што го имам, како што вадиме колаче, не се расипа многу.
Редениот ролат е најбрз, може и да се завитка, но велам, кога немате време, вака е перфектно и за око. За вкус, сепак дотерајте си како сакате 🙂
Мојот ролатот беше прекрасен на вкус!
Пријатно!
Facebook Comments
Comments + Images