Џем од кајсии со фстаци

Џемот од кајсии ни е еден од најомилените. Овој рецепт го објавив минатата година на Coolinarika и на мојата страница Со љубов, за вас.
Рецептот е едноставен, а џемот фантастичен. Другиот рецепт може да го видите овде.

Инспирирана од џемот без шеќер или со многу малку, во план сум да направам 🙂

Состојки

• 1 кг кајсии
• 600 гр шеќер или помалку
• 1 лимун
• по желба фстаци или друго јаткасто овошје
• мискимбре/слаткарче

Подготовка

1. Одвечер, измијте ги кајсиите, преполовите ги и исчистете ако има дамки.
2. Ставете ги во тенџере и додадете го сокот од лимонот и шеќерот.
   (Сé повеќе луѓе ми кажуваат дека ставаат само 250-300 гр шеќер, така да сами одлучете, може значи и помалку).
3. Оставете ги нека одстојат преку ноќта.
4. Утредента нека почне да вари на посилно, потоа намалете ја температурата, се прави многу пена, отстранувајте ја и мешајте, нека вари 20 тина минути.
5. На крај ставете ги фстаците и од мискимбрето неколку ливчиња.
6. Врелиот џем се става во стерилни тегли, затворете ги и свртете наопаку.
7. Утредента вратете ги теглите во нормална положба.

Вообичаено го комбинираме за појадок. Најубавата комбинација ни е со путер или после  кајгана, ако сакате, може да погледнете овде.