Ориз со печурки

Ги гледам сликите од порано, посебно за оризот и ја гледам разликата. Нема поубав од кочанскиот ориз, но секако не од пазар. Што дека купив, не е тоа тоа… Поздрав Никола, нема поубав ориз од вашиот, следниот пат да се снабдам треба 🙂

Еве уште една комбинација на задушен ориз, овој пат со печурки.

Состојки

• ориз
• печурки
• пиперка
• морков
• праз
• домат
• сува пиперка
• маслиново масло
• сол,црн бибер,сушен зачин
• магданос

Постапка

1. Испржете ги печурките со пиперката, морковот и празот. На крај додадете го излупениот домат на коцки. Нека се пропржи.
2. Додадете го измиениот ориз, пропржете. Додадете сува пиперка.
3. Додадете врела вода 1:3, зачини и нека зоврие, потоа намалете на средна температура.
4. Не мешајте, само протресувајте го тенџерето и после 12 минути тргнете го настрана, поклопете. После 20 минути до половина час, ќе биде готово.

Можете да ги сервирате како гарнир, но и како посебен оброк во комбинација со салата.
Пријатно!