И овие ружички се многу брзи и лесни за правење. Сé што ви треба се убави еластични кори, фил по желба и имате декоративни ружички, а толку вкусни, крцкави и миризливи.
Состојки
- 500 гр готови кори
- 0,5 дл зејтин
- 1 дл кисела вода
- 1 дл кисело млеко
Фил
- павлака према потреба
- мортадела
- пиперка
- магданос
- триена сол
- сол
- жолчка и зејтин за одозгора
- малку магданос и афион за украсување
Постапка
- Се подготвува зејтинот, водата и киселото млеко.
- Исто така се подготвува филот, се сецкаат ситно пиперката и мортаделата, се мешаат сите состојки со павлаката.
- Секоја кора се сече дијагонално, парчето се фаќа во средина и се врти во круг како на сликата.
- Се прска од течноста, се става филот во средината, се затвора со преклопување и се превртува.
- Се добива ружичка, ако е затворена ќе ја подотворите малку.
- Се прокапува зејтин, се мачкаат жолчка и се печат на 200 степени околу 20 минути, но ќе проверите.
- Кога ќе се подизладат, се става магданос на секоја ружичка.
Навистина се декоративни, ви ги препорачувам за празникот. Мене ми фалеше малку сол, вие како сакате. Павлаката треба да е густа, да не се растече филот.
Пријатно!
