Една од многуте варијанти на варен грав, посен.
Имам неколку начини за подготовка на гравот, а традиционалниот струмички, со црвен пипер, може да го видите овде.
Ознака: грав
Суви, везени пиперки со грав
И сега, она нашето, она по кое сме познати, суви пиперки со грав.
Срам да им е на оние кои се срамат од оваа наше прекрасно јадење или се мајтапат уште!
Таква вкусотија не знам дали постои на светот!
Еден поинаков зелник
Уште еден домаќински рецепт- Зелник со кисела зелка и грав.
Без киселата зелка и гравот, од здравствени причини не би требало да ни помине зимата.
Зелката полна со Ц витамин, гравот извор на протеини.
Верувале или не, со сите свои додатни вредни состојки го спасувале народот од многу болести и благодарение на нив преживувал.
Ако имате подготвено кисела зелка со гравче, или одделно, искористете ги, ставете ги во тесто и имате преубав ручек 🙂
Полнети пиперки со грав и спанаќ
Една вкусна варијанта на грав, може од конзерва, но може и домашно подготвен, како сакате.
Велам секогаш имаме периоди кога многу брзаме, а ни треба баш овој ручек 🙂
Затоа, припомогнете си, користете што може, во служба на брзиот ритам на времето.
Грав од конзерва
Сеуште го немам објавено рецептот за мојот грав, но ете му дојде редот на овој, зашто деновиве готвењето ми е многу брзинско, па и пишувањето рецепти.
Во Македонија никогаш, никогаш не сум користела грав од конзерва, но кога дојдов овде, набргу пробав, сеуште незнаејќи кое каде можам да го купам.
Швајцарците не јадат грав, бара долго подготвување, а тоа тие не го сакаат. Сепак може да се случи да го користат во некоја салата и затоа конзервите се добредојдени. Можеби во други кантони е поинау, но во мојот кантон е така.
Бел грав, фасуљ-Чист Понеделник
Во понеделник после Прочка, започнуваат Големите пости. Се вари бел, посен грав.
Во Струмица имаше преубава активност, целиот еснаф се собираше, пред дуќаните се вареше грав или се носеше од дома, а заеднички се јадеше. Не знам кога точно започна таа активност и не знам дали уште се практикува… Сите кои поминуваат, можат да се приклучат на импровизираните трпези, заедничката трпеза е пораката.
Истиот бел грав се јаде и сервира и на Тримери.
Самиот ден се нарекува Чист понеделник и е првиот ден од Тримери.
Денеска исто така се чисти и пере домот, се тријат тави и тенџериња, со тоа се чистат злите духови и се пречекува доаѓањето на пролетта. Така било некогаш, а денес се практикува…
Не сум детално запознаена, ќе ми простите ако нешто сум погрешила, посебно на делот со зејтин и без зејтин.
Она што го знам е дека гравот се јаде со маслинки, секогаш, а и се пржи риба.
Таква ни е традицијата.
Ќе ви презентирам бел грав како јас го правам, а вие прилогодете го на вистинскиот пост, ако не треба зејтин, не ставајте.
Ви посакувам да истраете во Постот, а најмногу ви посакувам вашето срце да биде спокојно и вашите мисли и зборови да ве красат.
Kisela čorba, grav i zelka
Posle praznicite, site sakame čorbi, supi… Želni sme za nešto so lažica, kiselko, taka ni bara organizmot, zaradi mešanata hrana koja ja jademe nekolku denovi…
Zatoa jas na vreme si ja podgotvuvam od ona što imam, a voopšto ne treba vreme za nea.