☙ ❤︎ KOGA DAVAME HRANA, DAVAME LJUBOV I OBRATNO! ♡ BLOGOT E POSVETEN NA MOJATA IVA ❤︎ ❧
Знам дека кај нас нема вакво филе, многу поразлично е јагнешкото месо, ми требаше време да се навикнам. На ова јагнешко му треба само неколку минутки да се испржи, а исто вкусно е многу, нема трунка масно, нема неколку часови печење.
Продолжи со читање “Јагнешко филе во сос од морков и пиперка”
Овој рецешт, доаѓа од хроно исхраната, се воодушевив кога го видов негде, и не згрешив што го пробав. Не се сеќавам дали имаше пиперка, но јас без пиперка не можам 🙂
Продолжи со читање “Пилешко со карфиол”
Едноставни, брзи и секогаш на трпезата, во разни комбинации…
Сум кажала дека зеленчукот како грашок, боранија, грав и слично, ги сакам без месо. Посни ми се поубави, вкусот на зеленчукот е сочуван. Е со боранија или грашок, може кисело млеко, тоа ептен ми оди.
Кој ќе му најде крајот на вкусовите?! 🙂 На комбинациите…
Еден вид летна долма, полнети тиквици и модри патлиџани, со печурки.
Ако не сакате месо, печурките се одлична замена, како што знаете.
Едноставен рецепт, но многу вкусно. Тогаш кога ги правев, имав и округли мали патлиџани, кои не се лоши, на вкус се поразлични и им треба подолго готвење. Навики, вкусови…
Подготвувајќи ја летната даска, сакав да направам мали бомбици, солени, онака мераклиски, но и здрави. Изборот падна на оризови, со палента и со урда.
Кога ќе излезат првите бамји, па уште ако си во Македонија, што да се рече…
Бамји на сто начини ќе да е 🙂
За празници обавезно правам некој ролат, реден или ролован.
Кај нас трпезата секогаш е разноврсна и во обични денови, многу табиетлии имаме во семејството :), некој не јаде ова, друг она и така за секој понешто, а таа традиција ја продолжив и јас.
Но мислам дека таква е и струмичката трпеза, се вади разноврсна храна, сé се става на маса.
За овој рецепт потребни се големи шампињони како би можеле да се полнат. Убаво би дошле за празникот, покрај главното јадење.
Еден од начините на кои го правам компирот, печен, а како пржен. Со лук и пиперки, добива преубав вкус, редовно ги ставам во тавата со компирот.
