Вчера, 25 мај, овде беше празник, Assention, по нашки Спасов ден, а оваа година се паднаа заедно, во ист ден.
И беше Ден на младоста! Празник кој буди многу сеќавања, преубави сеќавања!
Tag: пиперки
Пролетен просеник
Претпоставувм, рецепт за просеник имате сите, т.н. проја. Мојот рецепт е негде од 80 те години на минатиот век, кога почнавме да ја употребуваме палентата.
До тогаш рецептите за просеник беа со пченкарно брашно, може и без јајца, посни или не, беа поинакви, а сега се враќаат во мода од здравствени причини…
Пиде со праз и карфиол
Турското пиде е нешто како пица, само што има форма на чамец. Мислам дека најчесто е со мелено месо, но и со најразлични додатоци. За разлика од пидето, лахмаџунот, преубав нивни специјалитет е со мелено месо, без толку зеленчуци…Е сега сите си правиме по свое, а како и не би, турската кујна ми е најубава, најблиска, без да навлегувам повеќе во таа тема 🙂
Веќе имам објавено рецепт кој може да го видите овде.
Оваа пиде е со праз и карфиол, ептен здраво пиде 🙂
Солена торта и колачи од тиквици
Тиквиците ги имаме преку цела година, па покрај класичните рецепти кои ги сакаме сите, испробувам и нови, мои идеи, но и други…
Еден таков, преубав рецепт, ми привлече внимание на Coolinarika минатата година и ме инспирира, па направив моја варијанта.
Карфиол, тиквици и пиперки со кашкавал
Карфиолот почнав да го засакувам, браво за мене! Го користам многу, во чорби, а и на разни начини подготвен…
Оваа шарена комбинација беше гарнир на кременадли. Ја препорачувам и како засебна посна, со посен кашкавал.
Турско пиде на мој начин
Турската пица, која ја нарекуваат пиде, има форма слична на пастрмајлијата.
Се полни најразлично, секој по свој вкус, разни комбинации…
Еве една моја варијанта.
Грав од конзерва
Сеуште го немам објавено рецептот за мојот грав, но ете му дојде редот на овој, зашто деновиве готвењето ми е многу брзинско, па и пишувањето рецепти.
Во Македонија никогаш, никогаш не сум користела грав од конзерва, но кога дојдов овде, набргу пробав, сеуште незнаејќи кое каде можам да го купам.
Швајцарците не јадат грав, бара долго подготвување, а тоа тие не го сакаат. Сепак може да се случи да го користат во некоја салата и затоа конзервите се добредојдени. Можеби во други кантони е поинау, но во мојот кантон е така.
Пржени суви пиперки
Жал ми е што немам големо искуство со сувите пиперки, најолем дел од животот не сум ги користела, затоа сега гледам да надокнадам. Традициите во моето семејство бараа поинакво подготвување на пиперките. Баба ми сушеше домати, но не се сеќавам на пиперките, моите родители не сушеа и не купуваа, а јас негде од 2000 година им се посветив.
Револуционерна година за техниката, а за мене враќање кон корените за пиперките 🙂
Од досега пробаното, потпечени, варени, пржени, најмногу ми се допаѓаат пржени во малку брашно. Па и потпечени во брашно.
Еве едно брзо приготвување, вкусот не може да ве остави рамнодушни! А тек мирисот, ммм…
Пржен праз со сирење
Овој ручек ми е еден од омилените во сабота, брзински, а многу вкусен и многу здрав.
Уште малку празот ќе ни биде главен, иако го имаме преку цела година и секогаш има место на трпезата. Но ќе го заменат многу други пролетни јадења, а тој секогаш ќе не поврзува со поладните денови.
Тешко ми е да ви давам прецизни дози, готвам за двајца, но и тоа не е адекватната мерка, зашто често ми е подготвено за презентација на блогот.
Мерките за вакви јадења мора сами да си ги пронајдете и прилагодите спрема семејството, првиот пат можеби ќе биде малку или многу, но следниот пат ќе знаете 🙂
Сите мои мусаки – Мешана мусака
Се сеќавам, само што бев дојдена овде, една комшика Швајцарка, ми раскажа како секоја година одат на летување во Грција, само заради мусаката. Се штрецнав и ја потпрашав што сакаше да каже. Да, само заради мусаката оделе, толку била убава, мориња имало секаде.
И си велам јас, каква ли мусака е таа… Continue reading “Сите мои мусаки – Мешана мусака”