Можеби ова јадење е повеќе за во зима, но мене ми е убаво секогаш. Вкусно, посно јадење кое може да замени оброк. Има многу варијанти, многу рецепти, а и јас секогаш различно го правам…
Кој не сака посно, со сиренце е преубаво!
Tag: суви пиперки
Тава ориз, компир и суви пиперки
Не е многу здраво можеби, но комбинацијата ориз и компир многу ја сакаме зашто вкусот е преубав. Подготвувам задушен ориз и печен компир, може и мевце, но еве и вака, иако поретко, а зависи од времето што го имам и зафатеноста на шпоретот.
За вкусно, гарантирам 🙂
Макало со компир и суви пиперки на мој начин
Макалото е потипично за западниот дел на Македонија, каде сувите пиперки се неизбежен дел од кујната. Рецептите се многубројни, за разлика од југоисточниот дел каде има пак и сосема поинакви рецепти. Самото поднебје, односнo услови и клима го одредувале тој начин на обработка на пиперките.
Continue reading “Макало со компир и суви пиперки на мој начин”
Бурек со сува пиперка
И покрај тоа што немам убави кори како кај нас, правам бурек, презадоволна сум, ама да не го правам толку често!!! Е ајде де, божем на диета сум, ама ми успеа вториот месец и да накачам! Ваква пита, онаков бурек, вакви колачи и толку е… Continue reading “Бурек со сува пиперка”
Пржени суви пиперки со траано-тарана
Реков дека сувите пиперки ми станаа главна состојка, главна храна, секогаш во комбинација… Едноставно ги обожувам.
Јас сум Македонка, верувам и во едни поинакви креации на храната, верувам во трансформацијата на храната, за да не се фрла, за да се искористи максимално, а да се создаде превкусно јадење!
Трансгенерациска порака 🙂
Често моите оброци се токму такви!
Кога ќе остане од оброкот, предизвик ми е да направам комплетно ново јадење.
Токму така настана и оваа јадење, инспирирано од традицијата.
Рецептот за тараната може да го видите овде, доколку ве интересира.
Колбаси и пире со праз
Една комбинација која ја сакам од детството. Како деца празот не ни е омилен, па пирето најчесто беше класично, ама затоа сега надокнадувам 🙂
За жал, овде немам струмички колбаси кои се најубави на светот, кој пробал, знае. Се надевам дека нашиот таен рецепт 🙂 , сеуште е во живот. Паметам кога мајка ми и татко ми ги правеа дома, ги полнеа, ги сушеа, не, не, досега немам каснато поубави. Можеби денес и не се така убави како порано, но јас уште им го чувствувам вкусот и мирисот.
Пире со праз
Еден старински рецепт за пире кој верувам сите го правите. Ова не е макало, но секако е пире кое се јаде со леб 🙂 Македонска работа, наша работа, еми што да правиме 🙂
Во Струмица немаме макала како во Западна Македонија, но се наоѓаат многу вакви рецепти и мислам дека ние сме повеќе по прженото. Пржената храна, барем во моето семејство беше и е главна, здрава-не здрава, многу е слатка.
Topenica
Veke rekov deka pokraj toa što ke objavuvam recepti od strumičkata kujna, sakam čest da napravam i na drugi kujni od MK. Sakam čest da napravam i na švajcarskata kujna i na prekrasnite recepti od mojata svekrva…
Isto taka, sakam čest da napravam na nekolku moi prijatelki, vistinski virtuozi vo kujnata, nezamenlivi i nepovtorlivi, vistinski “borci” na Internet koi neumorno ja promoviraat našata preubava kujna <3 Continue reading “Topenica”